齒頬留茶香- 《清漉:千里烏龍茶/茉莉綠茶》

齒頬留茶香- 《清漉:千里烏龍茶/茉莉綠茶》

齒頬留茶香- 《清漉:千里烏龍茶/茉莉綠茶》

之前係美樂士多fb見到推介呢枝千里烏龍茶,話係無糖健康飲品,但成日賣斷市無貨,我心諗有無「千里」得咁神奇呀~

有次經過油麻地黃店叮噹叮丼,見到有代售,就買左枝來試下啦,點知一飲就翻唔到轉頭,樽裝飲品的茶味居然仲濃過在家用茶葉沖(可能我啲茶葉唔夠靚lol),烏龍的甘香味飲完會停留在口中不散,讓你可以回味再三。

之後再買過茉莉綠茶和凍頂烏龍茶都係咁高質,飲完真係會上癮架!

咁我查下資料,原來清漉都係今年年初先成立的黃色飲品品牌,採用台灣的茶葉,香港本地製作,主要發售點都是在其他零售或飲食的黃店,既實現黃色經濟圈相輔相成的精神,亦無恃住黃店之名做hea貨。(相關報導:https://hk.appledaily.com/……/CFJ2Y5KHOLPR55EUCMMDEQ3PXA/

樽裝飲品來講,價格就稍貴,大約15至18塊一枝,不過我覺得抵飲過買水果茶或者珍珠奶茶,而且更健康好飲呢!

如果有意一試既,可以睇清漉的網頁,除左有網購,亦有各區代售的黃店:
https://www.purenhealthylife.com/

另外介紹埋代售此茶的黃店叮噹叮丼,地址在油麻地彌敦道518至520號,新開無耐,專做外賣便當,無堂食位,之前買過一次,大約40塊,份量夠,又飽肚,味道亦勝過不少茶記客飯,是平民恩物之選,可惜我是跨區居民,就未能經常買外賣幫襯了。

#清漉 #樽裝茶 #千里烏龍茶 #千里茉莉綠茶 #凍頂烏龍茶
#叮噹叮丼 #外賣便當
#黃店代售 #黃色經濟圈

by:

黃色生活雜記

<<支持黃色經濟圈多樣化發展,成為抵制連鎖財團的可替代生活圈。 多幫襯小店,也是希望可打破連鎖集團日漸壟斷日常生活的窒息氛圍。>>